Spatium duarum horarum sermone latino fruimur. Tempus fuit ut de variis rebus loqueremur: de quadam notissima pelicula Nox quaedam fabulae modulatae dicata nuncupata, a fratribus Marx acta; de nonnullis libris valde bonis ad linguam latinam discendam, scilicet Fabulae faciles, Assimil in lingua latina, vel Piper Salve; de pulcherrimo itinere archaeologico ad Carranque ut villam magnificam Materni videamus; de ritu canonizationis Ioannis XXIII et Ioannis Pauli II, qui nuperrime in numero sanctorum Ecclesiae Catholicae inscripti sunt; et postremo de epistula quam Tullius ad Atticum scripsit, in qua de petitione consulatus una cum Catilina narrabat.
Tandem statuimus nos quartam sessionem Circuli die quarto mensis Iunii acturos, Castris Caeciliis apud Facultatem Philosophiae et Litterarum, ad quam optatissimi omnes advenietis.
No hay comentarios:
Publicar un comentario